Dünən axşam saatlarında Bakı şəhər Nəsimi rayonu Ceyhun Hacıbəyli küçəsinin Xətai prospekti ilə kəsişdiyi ərazidə kanalizasiya xəttində qəza baş verib.

“azwap.az” xəbər verir ki, metronun “28 May” stansiyasının yaxınlığında baş vermiş hadisə nəticəsində yolun hərəkət hissəsinə çirkab suları dolub.

Sakinlərin bildirdiyinə görə, xeyli vaxt keçməsinə baxmayaraq, aidiyyəti qurumlar əraziyə gəlib hadisə ilə maraqlanmır.

“Azərsu”yun Mətbuat xidmətinin rəisi Anar Cəbrayılov “azwap.az”ya açıqlamasında bildirib ki, məsələ ilə bağlı aidiyyəti idarə məlumatlandırılıb: “Tərəfimizdən lazımi tədbirlər görüləcək”.